HbA1C
تحليل الهيموجلبين السكرى او السكر التراكمى
.
العينه المطلوبه 1-2 سم دم كامل (whole blood) مسحوبه على مانع تجلط (EDTA)
.
تحفظ العينه فى درجه حرارة 25
.وبعدها نشتغلها وبنقيسها على الجهاز اللى تحت دة واسمه Nyco card
.
والتحليل دة بيتعمل لمرضى السكر علشان الدكتور يعرف حاله السكر عن المريض دة خلال 3 شهور فاتت وكمان مدى التزامهم بالعلاج
لان الهيموجلبين السكرى (دة نوع من انواع الهيموجلبين ومسئول عن حمل السكر فى الدم ) لان قسمته بتتناسب مع قيمه السكر خلال تلات شهور فاتت
والدكتور بيطلب التحليل دة كل 3 شهور او كل 4 شهور وغالبا" فى دكاترة بتطلبه كل 6 شهور على حسب حاله المريض سوء مريض نت الحاله الاولى او الحاله التانيه
.
متطلبات التحليل . مفيش اى متطلبات للتحليل مش شرط الصيام خالص للتحليل دة وممكن المريض يجي يعمل تحليل سكر صايم وفاطر وسكر تراكمى فى نفس اليوم عادى ونسحب كل عينه لوحدها والسكر التراكمى تسحبه مع الصايم عادى جدا"

ندخل بقا فى موضوع تانى خالص وهو النتيجه الخاطئه او نتيجه قليله عن طريق الخطا او كيثيرة عن الطريق الخطاء
اولا" التحليل دة بيقيس نسبه الهيموجلبين السكرى وهو زى كما ذكر هو نوع من الهيموجلبين وهو اللى بيحمل السكر وكمان التحليل دة بيتقاس كل تلات شهور ودة عمر كرات الدم الحمراء
.وبكدة اللى ممكن يؤثر على نتيجه السكر حاجه من الاتى
اولا" حصل فقد فى كميه الدم نتيجه نزيف مثلا" او نقل دم (شخص اتبرع قصدى )
او ممكن يكون حصل نزيف للشخص وبكدة نسبه الهيموجلبين هتقل او لو شخص حصله نزيف واتنقله دم وبالتالى النتيجه خطاء
او لو كانت نسبه الحديد فى الدم عاليه وبكدة النتيجه هتذيد عن الطبيعي
او كان فى زيادة فى نوع تانى من انواع الهيموجلبين غير النوع A وهو النوع الطبيعي فدة هياثر برضو على النتيجه ممكن بالزيادة او بالنقصان
لو لقصر عمر خليه الدم الحمراء او ان الجسم اتخلص منها قبل معادها
.
ولو لاحظت هتلاقى ان الاسباب كلها متشايهه
.
واخيرا" هو علاقتها بال MCH (محتوى الهيموجلوبين في خلية الدم الحمراء)
 مع نقصان قيمة الهيموجلوبين السكري بالخطأ ايضآ بأعتبار ان الجلوكوز يرتبط بالجزء البروتيني في الهيموجلوبين و كلما كان هذا الجزء قليل (قيمة mch ناقصة) كان ارتباط السكر معه قليل ايضآ .اولا" الهيموجلبين هو اللى بيحمل السكر وال MCH بتعبر عن محتوى الهيموجلبين فى الدم
يعنى لو محتوى الهيموجلبين زاد ..... فمعدل ارتباط جزئ السكر بالهيموجلبين هيزيد وبكدة عتكون النتيجه صحيحه مش هيكون فيها زيادة
اما بقا لو حصل العكس
يعنى حصل فى قيمه MCH وقل محتوى الهيموجلبين فى الخليه ....... فمعدل ارتباط السكر بالهيموجلبين هيقل ودة هيدى نتيجه اقل ودى اللى فيها اختلاف
.بس كدة
.
مش ناقص غير المعدل الطبيعي ودة مش هكتبه لانه بيعتمد على نتيجه السكر خلال ال 3 شهور السايقه والاهم من دة ان الشخص الوحيد اللى ممكن يقول النتيجه دى مظيوطه او لا هو الطبيب المعالج لانه كمان مقارنه النتايجه بتختلف من معمل لاخر ومن طبيب لاخر

.
هذا وصلو على الحبيب