تحليل Hb Electrophoresis

تحليل Hb Electrophoresis
( الهجرة الكهربائية)
 , وتعتمد على الجزئيات المشحونة المذابة في وسط سائل تحت تاثير المجال الكهربائي .زى مادرسنا فى الكمياء السنه اللى فاتت
.
مركب الهيموجلبين بيتكون من جزيئين (الهيم -والجلوبين )برضو زى ما درسنا السنه اللى فاتت ونسبه الهيم 4% ونسبه الجلوبين 96% من النسيه الكليه للهيموجلبين
.
انواع الهيوجلبين الطبيعيه
هيموجلبين A1 و هيموجلببن A2 وهيموجلبين F بتاع الاطفال الصغيرين ولو حدثت ليه زيادة فى البالغين بيسبب انميا البحر المتوسط
.
اما بقا الانواع الغير طبيعيه واللى دايما" بيكون سببها وجودها مرض وراثى
هى ( S , H , D , C , J , E )
.
-مثلا" الهيموجلبين (S) فى حاله الزيادة الغير طبيعيه يسبب تكسر كرات الدم بسهوله وانها تكون بشكل المنجل
.
الاسباب اللى بيتعملها التحليل دة
اولا" التحليل دة مهم جدا" كفحص قبل الزواج لانه يبين مدى سلامه الاطفال او حملهم للامراض الوراثيه زى السلاثميا والمنجليه والكشف عنهم
-الكشف عن حالات فقر الدم لحديثى الولادة الناتج عن سوء تصنيع الكريات الحمرا
-الكشف عن حالات فقر الدم (صغير الكريات )الناتج عن الهيموجلبين D و الهيموجلبينE
-الكشف عن الهيموجلبين C
.
العينه المطلوبه هى عبارة عن عينه دم كامل (whole blood ) حوالى من 3 - 5 ملل مسحويه على اديتا ( EDTA ) ويفضل حفظ العينه فى درجه حرارة 25 درجه مئويه او فى التلاجه
.
وملحوظه مهمه . مفيش تحضيرات معينه المريض يعملها ألا انه يكون لم يتعرض لنقل دم خلال أربعة أشهر
.
والمستويات الطبيعيه هى
الهيموجلبين A
البالغين أكبر من 95 %
الأطفال حديثي الولادة 10%–30%
الهيموجلبين A2
البالغين 1.5%–3.5%
الهيموجلبين F
البالغين <2%
حديثي الولادة 70%–80%
الشهر الأول 70%
الشهر الثاني 50%
الشهر الثالث 25%
الشهر السادس - السنة الأولى 3%
الهيموجلبين C لا يوجد
الهيموجلبين D لا يوجد
الهيموجلبين E لا يوجد
الهيموجلبين H لا يوجد
الهيموجلبين S لا يوجد
.

هذا وصلو على الحبيب